Оригинален текст
Tán en boca de tol mundu,
vienden lo que faiga falta
con tal de vivir del cuentu
sin pegar un palu al agua;
comiendo la sopa boba
en querelles y debates,
si nun fuere pola tele
andaríen muertos de fame.
Fantoches de tres al cuartu,
caradures y trileros;
fantasmones, adivinos,
golfos, putes y chaperos,
Mequetrefes y babayos,
artistes de mediu pelu,
esos sí que mos enseñen
la cultura del esfuerzu.
¡Eo!, si nun lo veo
yo nun lo creo...
Son conferenciantes que presumen de saber.
De cualquier asuntu aseguren entender
anque nun acabaren la E.G.B.
Anden con el nabu al aire
y elles enseñando´l piescu,
aireando les miseries
si hai dineru de por mediu.
Nesti tiempu que vivimos
esto ye lo que se lleva.
Son los usos y costumes
d´un país de pandereta.
¡Eo!, si nun lo veo
yo nun lo creo...